ХАТИАГ ÆВЗАГ

Нартæ Хуыцауы куы ницæмæуал дардтой, уæд сæм Зæрватыччы рарвыста æмæ сын уый хатиагау радзырдта: «Æз уæм дæн минæвар. Цы лæгæн куывтат, уый мæ рарвыста: «Цы кодтон, Нарт, цæуыл фæтæргай стут?» Уырызмæг æй бамбæрста – Уырызмæг зыдта хатиаг æвзаг. Æмæ æрмæст Уырызмæг нæ, Сатана дæр. «Батрадз бацыд мидæггаг хæдзармæ, – кæсæм кадæг «Нарты симд»-ы – æмæ хатиагау сдзырдта чырынмæ. Чырыны дуар зæлланггæнгæ байгом ис». Чырын уыд Нарты фыдæлтыккон чырын, æвæрд дзы уыдысты фыдæлты хотыхтæ , зыдта хатиаг æвзаг æмæ цæмæй байгом уыдаид, уый тыххæй йæм сдзурын хъуыд хатиагау. Хатиагау сдзуры Батрадз Хъæндзæргæсы чырынмæ дæр, æмæ байгом вæййы.

Хатиагау зонынц Нарты гуыппырсартæ, æмæ цавæр æвзаг у, уый нæма рахатыдысты ахуыргæндтæ. Чи йæ хоны чынты, ома, китайæгты æвзаг, чи та – рагон хетты. Нартæн уæларвимæ бастдзинæдтæ уыд, æмæ кæд, мыййаг, уæларвон цæрджыты æвзаг у.

кæс «АРВЫ ДУАР»-Ы СÆРГÆНДТÆ